સેવા પરમો ધર્મ – ઘરથી દૂર, છતાં ઘર જેવો જ સ્વાદ અને પ્રેમ!

શ્રી લેઉઆ પટેલ સમાજ – મોટા ઉજળા સંચાલિત “સૌનુ ઘર – ટિફિન સેવા” હવે એક નવી અને વધુ સુવિધાજનક જગ્યાએથી કાર્યરત થઈ ચૂકી છે. ગામના વડીલો, નિરાધાર અને જરૂરિયાતમંદ લોકો માટે ઘર જેવું શુદ્ધ અને સાત્વિક ભોજન પૂરું પાડવાનો આ એક નમ્ર પ્રયાસ છે.

મોટા ઉજળા ગામમાં સૌપ્રથમવાર શરૂ થયેલ “સૌનુ ઘર – ટિફિન સેવા” એ માત્ર એક ભોજન વ્યવસ્થા નથી, પરંતુ આપણા ગામની એકતા અને સેવાની ભાવનાનું પ્રતિક છે.

ગામમાં એકલા રહેતા વડીલો, નોકરી-ધંધે જતા યુવાનો કે પછી બહારગામથી આપણા ગામમાં આવેલા મહેમાનો… કોઈને પણ જમવાની તકલીફ ન પડે અને સૌને ઘર જેવું જ શુદ્ધ ભોજન મળી રહે તેવા પવિત્ર હેતુથી, શ્રી ગણેશ અને મા અન્નપૂર્ણાના આશીર્વાદ સાથે આ સેવાનો શુભારંભ કરવામાં આવ્યો છે.